מילים: אשר מזרחי

​

לַמּוֹלֶדֶת שׁוּבִי רָנִּי צַהֲלִי בַּת יְפֵיְפִיָּה,
בְּתוֹכֵךְ אֶתֵן מִשְׁכָּנִי בָּנוּי עַל הַר הַמּוֹרִיָּה.

​

אוֹרִי נָאוָה כִּי בָא אוֹרֵךְ וְשִׁכְחִי יְמֵי שִׁפְלוּתֵךְ,
עוּרִי יָפָה שִׁירִי שִׁירֵךְ כִּי תַמּוּ יְמֵי גָּלוּתֵךְ,
וּבְנֵה אוּלַמֵּךְ וּדְבִירֵךְ שָׁמָּה עַל אֶרֶץ צְבִיָּה.

​

שׁוּבִי אֶל מִשְׁכְּנוֹתַיִךְ, שׁוּבִי אַתְּ וַאֲנִי אָשׁוּבָה,
וְאֶגְאַל אֶת שְׁבִיּוֹתַיִךְ וְיִהְיוּ לְאַלְפֵי רְבָבָה,
אֲרַחֵם עַל אַדְמֹתַיִךְ וּתְהִי לְגֶפֶן פֹּרִיָּה.

​

רַעְיָה חֲבִיבָה עֲדִינָה, גִּילִי שִׂמְחִי שִׁיר דַּבֵּרִי,
פִּרְחִי כְּצִיץ כְּשׁוֹשַׁנָּה וּדְגִי וּרְבִי עֲשִׂי פֶרִי.
כִּי הַגְּאֻלָּה נְכוֹנָה וְאֶשְׁלַח יִנּוֹן וְאֵלִיָּה.