אָנָּא בְּחַסְדְּךָ תְּרוֹמְמֵנִי,

דַּי נַפְשִׁי סָבְלָה חֶרְפַּת שְׁכֵנִי.

אִם נָא מָצָאתִי חֵן בְּעֵינֶיךָ,

הַרְאֵנִי בְּבִנְיַן בֵּיתֶךָ,
כֹּהֲנַי יַקְרִיבוּ עוֹלוֹתֶיךָ,

יִשְׂרָאֵל יִשְׁתַּחֲוֶה לְפָנֶיךָ.

שׁוֹפְטַי יֵשְׁבוּ בַּשְּׁעָרִים,

וּבַחוּרַי יִהְיוּ לְנוֹטְרִים,
לְוִיִּים יָשִׁירוּ לְךָ שִׁירִים,

אָז תִּתְרוֹמַם בְּפִי יְשָׁרִים.

רְעָדָה תֹּאחֲזֵם יוֹשְׁבֵי אִיִּים,

כִּי מֶלֶךְ מָלַךְ בִּירוּשָׁלַיִם,
מַעֲדַנֵּי אָשֵׁר יִתְּנוּ כִפְלַיִם,

עַל הָרֵי יְהוּדָה וְהַרְרֵי אֶפְרַיִם.