| אוֹדְךָ כִּי עֲנִיתָנִי; |
וַתְּהִי-לִי לִישׁוּעָה. |
| אֶבֶן מָאֲסוּ הַבּוֹנִים |
הָיְתָה לְרֹאשׁ פִּנָּה. |
| מֵאֵת יְהוָה הָיְתָה זֹּאת; |
הִיא נִפְלָאת בְּעֵינֵינוּ. |
| זֶה-הַיּוֹם עָשָׂה יְהוָה; |
נָגִילָה וְנִשְׂמְחָה בוֹ. |
| אָנָּא יְהוָה הוֹשִׁיעָה נָּא; |
אָנָּא יְהוָה הַצְלִיחָה נָּא. |
| בָּרוּךְ הַבָּא בְּשֵׁם יְהוָה; |
בֵּרַכְנוּכֶם מִבֵּית יְהוָה. |
| אֵל יְהוָה וַיָּאֶר-לָנוּ: |
אִסְרוּ-חַג בַּעֲבֹתִים עַד קַרְנוֹת הַמִּזְבֵּחַ. |
| אֵלִי אַתָּה וְאוֹדֶךָּ; |
אֱלֹהַי אֲרוֹמְמֶךָּ. |
| הוֹדוּ לַיהוָה כִּי-טוֹב: |
כִּי לְעוֹלָם חַסְדּוֹ. |
פרסום תגובה חדשה